Heidi Mendoza

Inilantad niya ang mga anomalya sa militar, kabilang ang kaso ng dating comptroller na si Carlos Garcia, at tumangging iurong ang kaso laban kay Atty. Zacaria Candao sa kabila ng suhol. Bilang Commission on Audit (COA) Commissioner, ibinulgar niya si dating Makati Mayor Elenita Binay sa maanomalyang proyekto at isiniwalat ang overpricing ng medical supplies sa Makati. Sa kabila ng mga banta, paniniktik, at panloloob sa kanyang bahay, nanatili siyang matatag at tapat sa paglilingkod sa bayan.

Source 1: News, G. (2015). Heidi Mendoza to continue fight despite threats. GMA News Online. https://www.gmanetwork.com/news/topstories/nation/212428/heidi-mendoza-to-continue-fight-despite-threats/story/
Source 2: TJ Burgonio. (2014, October). Mendoza: We’re being threatened, pressured. INQUIRER.net. https://newsinfo.inquirer.net/642344/mendoza-were-being-threatened-pressured

Nakuha niya ang prestihiyosong posisyon bilang Undersecretary-General for Internal Oversight ng United Nations (UN) sa paanyaya mismo ng UN Secretary-General, patunay ng kanyang kahusayan at tiwala't suporta sa kanya hindi lamang sa Pilipinas, kundi sa buong mundo. Isa ito sa pinakamataas na posisyong naabot ng isang Pilipino sa UN—isang karangalang maipagmamalaki.Sa likod ng tagumpay na ito ay ang 27 taong karanasan bilang auditor, partikular sa investigative auditing. Hindi natitinag, patuloy niyang ipinaglalaban ang interes ng mga Pilipino, kabilang ang pagsuporta sa mga adhikaing nagsusulong ng proteksyon sa PhilHealth contributions ng nakararami.

Source 1: UNITED NATIONS AFFIRMS APPOINTMENT OF FILIPINO AUDITOR AS UN OVERSIGHT CHIEF | Philippines. (2024). Un.int. https://www.un.int/philippines/activities/united-nations-affirms-appointment-filipino-auditor-un-oversight-chief
Source 2: Laqui, I. (2024, October 16). Petition No. 3 challenges P89.9-B PhilHealth fund transfer. Philstar.com. https://www.philstar.com/headlines/2024/10/16/2392971/petition-no-3-challenges-p899-b-philhealth-fund-transfer